George Canseco, Ngayon at Kailan Man

Dear Mouse,

Isa na namang dakilang Pilipino ang pumanaw.

Siya ay si George Canseco na kilalang manlilikha ng awit at tagapaglapat ng musika na nagpatanyag sa mga batikang mang-aawit ng bansa.

Ang katha niyang "AKO AY PILIPINO "ay awit na pagmamalaki sa isang lipi.

Ang kaniyang mga likhaing awit ay halos sa sariling wika.

Bilang pagsaludo sa isang Pilipinong malikhain at hindi na maaring mapantayan, ay pinagsama-sama ko ang ilan sa mga sikat na ngalan (titles)ng kaniyang mga likhang-awit.

PAANO BA ANG MANGARAP, ang katulad ko,

KUNG AKO'Y IIWAN MO, puso’y magtatampo,

KAHIT AKO'Y LUPA, ako’y tapat saiyo,

NGAYON AT KAILAN MAN, ay ‘di magbabago.

HANGGANG SA DULO NG WALANG HANGGAN, nga kaya?

HIRAM na PANAHON, kahit pansamantala,

Tayo ‘y magtitiis SA HIRAP AT GINHAWA,

LANGIS AT TUBIG ,maari ring magsama.

GAANO KADALAS ANG MINSAN,aking banggitin,

Pag-ibig ay sinrupok ng KASTILYONG BUHANGIN,,

SAAN AKO NAGKAMALI, nang kita’y ibigin?

SINASAMBA KITA,iyan ay hindi nilihim.

SALAMIN NG BUHAY,ang bukas ay madilim,

PAGPUTI NG UWAK,ang aking hihintayin ,

MULING BUKSAN ANG PUSO,ako ay gisingin ,

SAAN DARATING ANG UMAGA, tanong sa akin?

SIYA NA BA ang ‘yong bagong kaligayahan?

DITO Ba magtatapos, ating sinimulan?

KAHAPON LAMANG, tila walang katapusan,

SAAN DARATING ANG UMAGA't ang liwayway?

The Ca t