Paulit-ulit

Dear Mouse,

Tanong ni Xp na tinanong naman sa kaniya, bakit daw mahilig paulit-ulit ng salita at pangalan ang mga Pinoy?

Bakit-bakit nga ba?

Sila ba ay gaya-gaya?

Kagaya ng:

Junjun

Megmeg

Cathcath (ahem)

Mga salitang:

ihaw-ihaw

tuhog-tuhog

ganda-ganda ko (ahem)

pangit-pangit mo (’ray, ba’t ka nambabato ng pusa?)

Yong pangalang kong cathcath ay ginawa ko para wala akong kapareho. Dami kasi ng cat,cath at cathy na pag tinype mo ang keyword na cat ay sangkatutak ang lalabas sa search.

Pag tinype ko ang cathcath sa google,lumalabas kaagad yong aking Now What, Ca t?

Ang turo sa amin sa Pilipino ay ang pag-uulit ay ginagawa sa mga salitang hindi makkatayong mag-isa.

Oo birhinya, yong kailangan siguro ay may tungkod para tumayo pero sa halip na tungkod ay isa pang parehong salita ang ikinakabit na may kasamang gitling(hyphen)

Katulad ng:

lapu-lapu

hasa-hasa

Mantakin mo nga namang sabihin mong “Ang ulam namin ngayon ay lapu.”

Akala ko pa naman ay dahil nang napatay ni Lapu-lapu si Magellan, sumigaw ang mga tao ng LAPU, LAPU. Kaya nang isinulat ng historian ang nangyari, akala niya ay Lapu-lapu ang kaniyang pangalan.(cornyko, so?)

Nagkakaroon lang ng gitling kung ang salitang inuulit ay nagtatapos sa patinig (vowel). Subalit kung ito ay sa katinig (consonant) nawawala ang gitling (hyphen).

Kagaya ng

gaygay

baybay

pakpak

Taytay

Mantakin mo nga namang sabihin mong,”ang ibon ay may pak o kaya ako ay pupunta sa Tay".

Akala ko pa naman kaya yon tinawag ng pakpak ay dahil sa tunog ng lipad. pak pak pak pak.

Akala ko pa naman kaya Taytay ang tawag dahil nang nagtatanong ang Kastila kung anong lugar iyon ay tinawag ng bata ang kaniyang ama ng...’Tay, ‘Tay. Tinawag nila ang lugar ng Taytay.(o sige na corny na)

Ang pag-uulit ng pang-uri (adjective ) ay para bigyang diin ang kahulugan dahil wala tayong salitang katumbas ng “very”

Kagaya ng “very pretty”.

Ang sasabihin ng Pinoy ay,” Ganda-ganda naman.” Pag ang kasama ay hindi umayon na maganda, ang sasabihin niya ay Ganda lang.

Pag pangit naman ay pangit-pangit naman.Pag may umangal sabihin mo na lang na kamukhamo.

Kagaya rin ng tanga-tanga naman, bobo-bobo naman, baho-baho naman.

Sa wastong gamit ng pang-uri na nagsasaad ng kagandahang walang katulad, dapat ang ginagamit ay NAPAKAGANDA. Kaya ang pag-uulit natin ng mga pang-uri ay nakagawian na lang dahil madalas marinig at hindi dahil ito ang sinasabi ng balarila.

Lalim-lalim ng Tagalog ko noh?

Mahilig din tayong mag-ulit ng palayaw (nickname).

Kagaya ng :

Junjun, Maymay, Ann-ann, etc.

Marahil dahil pag kabataan natin lagi tayong nabibingi pag tinawag tayo ng ating mader para utusan kaya tumatawag siya ng ilang beses. Sa kalaunan ay nagiging gawi na ang pagtawag ng ganoong pangalan.

Dahil tayong mga Pinoy ay gaya-gaya, naging kagawian na ito.

The Cat The Ca t