Kilala mo ba kung sino ako ?

Dear Mouse,

Sa lahat nang ayaw kong naririnig o nababasa ay itong salitang, Kilala mo ba kung sino ako ?

Maraming ibig sabihin ang salitang ito.

1. Mayabang ang nagsalita.

2. May ipinagmamalaking kapangyarihan ang nagsalita.

3. Mapangmata ang nagsalita.

4. May kasamang banta ang pagsasalita.

Kapag ang nagsabi naman nito ay ibang tao para ipamukha sa isang nilalang kung sino ang kinakalaban niya,ang nilalang na yon ay makitid ang isip.

Hindi lahat ng doktor ay alam lahat ang sakit. Hindi lahat nang nagsusulat ay alam lahat ang paksa.

Hindi garantiya ang pagiging matagal na sa industriya ay pagiging magaling.

Mas maraming mga kabataang nagtataglay ng galing dahil sila ay hindi nagpapahuli sa mga bagong teknolohiya,nagbabasa at nag-aaral.

Ang mga kabataan ay handang harapin ang mga pagbabago, samantalang ang mga naturingang beterano ay hindi karakarakang tumanggap ng mga bagong ideya.

Kaya yong nagkumentaryo sa blog ni W.Galang:`

Barto says:

Strong words. What if Mayuga asks you "do you know who I am?"

Ang sagot ko ay ano naman ang dapat gawin?

Manginig dahil magaling siyang magsulat ?

Tatahimik dahil magaling siyang magsulat ?

Tanggaping lahat ng sinasabi niya ay tama, dahil magaling siyang magsulat?

Ganon?

Hindi ko na sana papatulan ang komentaryong ito pero ang masamang ugali na ito ng Pinoy ang isa sa mga dahilan dahil tayo ay umaasenso. Mahilig tayong magdiyos sa mga may pangalan, may kapangyarihan, may kayamanan at tila ba wala ng karapatang magsalita nang hindi pag-ayon.

Dito ko sinulat ang sagot ko sa kumentaryong yon dahil sa akin itong blog na ito.

The Ca t