SINO RAW AKO ?

Dear Mouse,

Sino raw ako ? Ako si Cat na hindi SIKAT.

Siguro kung sinabi sa akin ito noon ay gagamitin kong challenge para patunayan ko kung sino nga ako. Ngayon, hindi ako magiging emotional para hiramin ang mga bricks at tiles sa kusina ni Sassy para ibalibag sa nagtanong sa akin kung sino ako para kalabanin ang mga batikang manunulat dahil ako ay ordinaryong Blogger laang.

Sanay na ako diyan. Marami ng nagtanong sa akin niyan mula pa pagkabata ko dahil siguro nang ako ay ipinanganak, ako ay baliktad. Sabi ng lola kong midwife, ako ang taong mahilig magsalungat sa ordinaryong daloy ng buhay at sa mga tanggap na kalakaran.

Hindi ko sana sasagutin ang e-mail na yon. Abala ako sa pagdecorate ng aking Christmas tree kaya lang may mensahe akong ibig ipaalam sa karamihan sa ating Pilipino, ang paniniwalang ang mga eksperto na ay hindi na maaring magkamali.

Sino raw ba ako para harapin ng kongresista para humingi ng rekomendasyon sa isang iskuwela.Isa lang akong bata na maaring palabasin sa Congress dahil baka akalain ay pinabili lang ako ng suka. Nag-iisa akong pumunta sa Kongreso, nilakad ko rin yon dahil hindi ko alam kung anong sasakyan. Pumasok ako sa opisina. Maraming taong kapareho ko ay humihingi rin siguro nang tulong. Pero dahil ako ay batang walang kasama, ako ay hinarap ng mga tambay/alalay ni Congressman. Nakuha ko ang rekomendasyon na hindi ko man nasilayan ang kaniyang mukha. Hindi mahalaga, ang magkita kami, ang mahalaga nakuha ko ang rekomendasyon. Winagayway ko ito sa nagtanong sa aking kung sino ba ako ?

Sino raw ba ako para kumuha ng exam sa UP? Tanong ng aming naging balediktoryan sa haiskul na nilipatan ko nang ako ay 4th year na. Inis siya sa akin dahil kung hindi kulang ang residence ko ay akin ang puwesto niya.Sabay kaming kumuha. UP Baguio ang punta niya ako sa UP Diliman.Pero hindi ako nagenroll sa UP hanggang makalipas ang ilang taon.Ayaw ng aking mader. Alam niya ang aking personalidad.Tama siya dahil nang nag-aral ako ng Doctorate sa UP ay hindi ko natapos, inaway ko ang Propesor ko na may lecture notes na matanda pa kay Metuselah.

Sino raw ba ako para kuwestiyonin ang take home exam na ibinigay ng aming propesor. Computer lang ang makasolve ng exam na iyon. Wala raw nakasolve noon kahit isa mga istudyante. Siya ay diyos pag dating sa Math. Pero may kulang ang kaniyang given facts.Sinolve ko ang problem pagkatapos kong maglagay ng assumption sa nawawalang data. Ipinakita na iyon ang dahilan ng hindi pagkasolve ng problema.Hindi siya Diyos para hindi magkamali. Ang aking pagkakamali ay ipamukha ang kaniyang mali. Naupo siya sa aking dissertation defense. hehehe

Sino raw ba ako, tanong nang kapatid ng aking kaibigan na nagpapatulong sa aking magtayo ng iskuwela dito sa Estet. Wala pa akong isang taon at tirahan lang ay pinoproblema pa. Ang ibig niyang sabihin kung hindi niya kaya ako pa? Yan karaniwan ang nagiging dahilan ng mga tanong na sino ka. Ang sarili ang kanilang ginagawang pamantayan. Dahil alam nilang hindi nila kayang gawin, akala nila ang iba rin ay walang kakayahan.

Naitayo ang iskuwela.

Dapat sa Pinay ko ito isusulat.

Sino nga ba ako? Ordinaryong blogger lang na tamad sumulat dahil ayaw mabisto kung sino nga ako. Maraming Kinauutangangnaghahabol.hehehe

The Ca t