Talaga, Tanaga ?

Dear mouse,

Ngayon ko lang nalaman na kung may haiku ang Hapon, tayo naman ay may tanaga. Talaga po. Upang malaman

kung anong klaseng tula ito, pumunta dito.

Si Jardine Davies at ang kaniyang mga kaibigang makata ang nag-anyaya na buhayin ang ganitong tulang sa kanilang pakiramdam ay nawawala na.

Ito po ang tulang alay ko sa anak ni titorolly sa kaniyang kaarawan, gamit ang tanaga. Talaga po.

munting anghel ka wari,

kaloob sa magulang.

pag-ibig na matindi

ang siyang dahilan.

Ang pagsulpot sa mundo,

ay hindi napigilan,

iyong amang nanggigil,

ina ay dinuhapang.

panggigil, di napigil,

isang gabing walang b’wan,

Saksi ay tikatik

ng bumuhos na ulan.

Ang laking tuwa nila,

Tila ba nagpiyesta,

Nang makita nila,

Sanggol na maganda.

Nang dahil sayo, tatay

ay naging mang-aawit.

Saiyong kunting ingit,

Siya ay bubunghalit.

karga karga, kanta ay,

Kahit walang boses, ay

Rock en roll at hip hop ay,

ginawa ring lulabay.

Tagapalit ng lampin,

Tagatimpla ng gatas,

Kahit gabing malalim,

Siya ay pupungas-pungas.

Napupuyat sa gabi,

Inaantok sa umaga,

Pati sa trabaho ay,

Namumungay ang mata.

Naging potograpo,

Nang ikaw ay lumalaki,

Panay kuha ng litrato,

Lalo pag ikaw ‘y ngumiti.

Habang lumalaki ka

Lalong napapamahal,

Mahal na daw ang gatas,

Pati ng mga laruan.

Libo libong di mabilang,

Nagastos mula pagsilang,

Kaya pag tinawag,

Anak naming mahal.

Maligayang pagsilang

sa mundong ibabaw,

Iyo ang birthday cake,

Kanino ang pulutan ?

The Ca t