Mga Salawikaing Lipas na

Dear mouse,

Sa pagbabago ng panahon, marami ng salawikain at sawikain ang hindi na naangkop sa ating pamumuhay.Tulad ng mga sumusunod:

Sawikain 1

Isang kahig, isang tuka- ito ay nagpapatungkol sa mahihirap.

Ang tama: Maraming kahig, bago tumuka.

Bagong sawikain dapat maisama

Isang kahig, maraming tuka=para sa mga corrupt na opisyales.

Wala ng kahig-tuka pa ng tuka-para sa maraming nakurakot.

Salawikain: Kung may itinanim, may aanihin.

Salawikain para sa CAP at PACIFIC Planholders

Kapag may itinanim, kailangan pang habulin.

Salawikain: Kalimitan ang isda ay nahuhuli sa bunganga.

Salawikain para sa mga mister na may kabit.

Kalimitan ang isda ay nahuhuli sa text sa cellphone.

Salawikain: Damit na hiniram mo lamang, Kung hindi masikip ay maluwang.

Bagong salawikain: Damit na binili sa ukay-ukay, Kung hindi masikip ay maluwang.

Salawikain: Baboy ba gagala-gala, Lama't taba ay masama.

Bagong salawikain:Baboy ba gagala-gala, Nagiging pulutan bigla.

Salawikain:Ang babaing palaingos, Kadalasa'y haliparot.

Bagong salawikain:Ang babaing palaingos, Kadalasa'y bagong noselift.

Salawikain:Ang taong nauuntog ng madalas ay natututong yumuko at mag-ingat.

Bagong salawikain:Ang taong nauuntog ng madalas ay maraming bukol.

Salawikain:Pag wala ang pusa, magulo ang daga.

Bagong salawikain:Pag wala ang pusa (The Ca t), hindi makapagblog si daga. (Dear mouse).hehhehe.

The Ca t